Kampionati i parë kombëtar i basketbollit për personat me aftësi të kufizuara

Sport pa Kufij! Mbështetje, Fuqizim, Barazi
Dita Botërore e Ndërgjegjësimit për Autizmin ka sjellë sot një moment frymëzues, ku NOA pati privilegjin të mbështesë Kampionatin e Parë Kombëtar të Basketbollit për personat e spektrit autik dhe ata me aftësi ndryshe.
Ky event i jashtëzakonshëm tregoi se pasioni, përkushtimi dhe forca e shpirtit nuk njohin kufij. Gëzimi dhe energjia e fëmijëve në fushë ishin dëshmi se sporti jo vetëm bashkon, por edhe fuqizon, duke krijuar mundësi të barabarta për të gjithë.
Për NOA-n, mbështetja e komuniteteve dhe fuqizimi i çdo individi për të arritur potencialin e tij është një mision i vazhdueshëm.
Sot buzëqeshëm së bashku, ëndërruam së bashku, sepse vetëm të bashkuar jemi më të fortë!