Tonin Lleshi

Mbi 19 vite përvojë në udhëheqjen e skuadrave teknologjike dhe në ofrimin e zgjidhjeve inovative në një mjedis dinamik.

Z.Lleshi u promovua si Drejtor i Teknologjisë së Informacionit në Dhjetor 2022, pas 18 vitesh të suksesshme si Menaxher i IT & i Administratës në NOA. Të dhëna të dëshmuara në menaxhimin e Projekteve & Shërbimeve komplekse të IT-së, Administrimit të Sistemit, Menaxhimit të Rrjetit duke garantuar sigurinë dhe privatësinë e të dhënave. Zotërim i avancuar i njohurive më të fundit teknologjike, proceseve të biznesit dhe metodologjive.

Ai iu bashkua NOA-s në Tetor 2005 si Specialist IT dhe 3 vite më vonë u promovua si Menaxher i Administrimit të Rrjetit dhe i IT-së. Përgjatë gjithë këtyre viteve shumë projekte janë finalizuar si Implementimi i NFT/Tablet, Virtualizimi i Infrastrukturës, përditësime të Sigurisë së Rrjetit, Sistemit etj.

Në Gusht 2011, përveç ekipit të IT-së, Z.Lleshi drejtoi Njësinë e Administratës duke qenë përgjegjës për mbikëqyrjen dhe koordinimin e funksioneve administrative brenda NOA-s përmes politikave për rritjen e efikasitetit dhe menaxhimit të kostove.

Z.Lleshi është diplomuar në Informatikë pranë Fakultetit të Shkencave të Natyrës, Universiteti i Tiranës në vitin 2004. Ai zotëron një diplomë master në Informatikë dhe gjithashtu certifikime të shumta në fushën e IT-së.