Trajnime për pronarët e bizneseve, menaxherët dhe punonjësit e bizneseve të tekstileve dhe lëkurës

a) Trajnime për pronarët e bizneseve të nvm-ve

Një nga objektivat më të rëndësishme të projektit FALP është ofrimi i Asistencës Teknike /Trajnimeve për tre nivele të ndryshme të stafit të bizneseve që kanë marrë financime për biznesin e tyre, por edhe për klientët e tjerë potencialë. Kështu, në bashkëpunim me Shoqatën Pro Eksport Albania” dhe me mbështetjen e USAID-it, në datën 19 maj 2023 kanë nisur trajnimet e para për “Sektori i Këpucëve dhe Veshjeve”. Sesioni i parë është pasuar nga katër sesione të tjera trajnimi gjatë muajve në muajt Maj dhe Tetor 2023. Këto trajnime janë realizuar nga një ekspert i huaj, me mbi 20 vite eksperiencë në fushën e shitjeve, marketingut dhe diversifikimit të portofolit të biznesit. Gjatë trajnimeve u trajtuan këto tematika:

Si të jemi më konkurrues në tregjet ndërkombëtare
Si të diversifikoni produktet tuaja
Si të rritet financimi i Sektorit
Si të konsolidohet roli i Shoqatës së Prodhimit/Veshjeve/Këpucëve.
Si të tregtoni produktet

Pjesëmarrës në këto sesione trajnuese ishin 47 pronarë të bizneseve të NVM-ve të cilët treguan interesim të lartë për tematatikat e zhvilluara gjatë trajnimeve, si dhe kanë parashtruar pyetje të ndryshme të cilat lidhen me punën e tyre në përditshmëri.

Seanca të tjera janë planifikuar të organizohen gjatë muajve të ardhshëm.

b) Trajnim për menaxherët dhe punonjësit e nvm-ve

Gjatë muajve Korrik, Shtator dhe Tetor 2023, pranë ambienteve të bizneseve të NVM-ve u realizuan një sërë trajnimesh për stafet e bizneseve (punonjësit dhe Drejtues Operacionalë) në qytetet:Tiranë, Durrës, Elbasan etj. Këto trajnime u realizuan nga një numër ekspertësh kombëtar në fushën e tekstilit. Numri i përgjithshëm i NVM-ve, stafi i të cilave ka marrë trajnime ishte 13 NVM me një numër total prej më shumë se 570 punonjës. Trajnimet përfshinë tematika në fushat e bashkëpunimit në vendin e punës, produkteve cilësore, menaxhimit të cilësisë, teknikave për përmirësimin e produktivitetit dhe prodhimit të pastër, menaxhimin e burimeve njerëzore dhe sigurinë, shëndetin në vendin e punës, më konkretisht:

Temat e trajtuara gjatë trajnimeve ishin:
Puna në ekip
Aftësi për të punuar me cilësi dhe standarde
Aftësi për të zgjidhur problemet, aftësi për të marrë vendime, aftësi për të planifikuar dhe koordinuar
Aftësi për të bërë llogaritje dhe për të interpretuar grafikët

Sa i përket Drejtuesve Operacionalë, tematikat e trajtuara ishin:

Menaxhimi i biznesit dhe punonjësve, aftësitë drejtuese dhe zgjidhja e problemeve
Aftësia teknologjike për procesin e prodhimit dhe tendencat e reja
Njohuri mbi ligjet, sigurinë në punë, tregjet e reja dhe rregulloret e BE-së

Kompanitë e tekstileve dhe lëkurës në Shqipëri po përballen me shumë vështirësi. Çelësi kryesor që këto kompani të qëndrojnë në tregun e BE-së, është prodhimi i artikujve me cilësi të lartë dhe dorëzimi në kohë të shkurtër i porosive tek klienti.

Kompanitë shqiptare duhet të jenë të qëndrueshme, ndaj është e nevojshme që ato të ndryshojnë konceptin e prodhimit dhe të kalojnë në prodhim me qark të mbyllur. Prodhimi “Made in Albania” është ende në fazat e para. Janë shumë pak kompani që e kanë përqafuar këtë koncept të prodhimit.

Duke qenë se Shqipëria është kandidate për në BE, për të qëndruar në tregun e BE-së, duhet të nisë zbatimin e direktivave të BE-së për produktet e gjelbra dhe eko. Kjo do të thotë të investosh në teknologji të reja, prodhim të gjelbër dhe trajnim të fuqisë punëtore.