Specialist i Lartë i Arkivës, Njësia e Operacioneve të Kredisë
Përgjegjës për ndërtimin dhe funksionimin e plotë të sistemit të arkivës fizike dhe elektronike në kompani.
Detyrat dhe Përgjegjësitë e pozicionit:
1. Përgjegjës për organizimin & mirëmbajtjen e arkivës së kompanisë sipas procedurave & politikave në fuqi duke siguruar se është e organizuar mirë dhe në kohë;
2. Mundëson akses të autorizuar tek dosjet e arkivuara për departamentet sipas nevojave të tyre;
3. Kryen kontrolle mujore për të gjithë dosjet e kredive të cilat dërgohen nga degët në arkivën qendrore, duke siguruar që informacioni në dosje përputhet me informacionin në sisteme;
4. Kryen kontrolle periodike ne degë mbi zbatimin dhe respektimin e procedurës së arkivës së degës;
5. Mbështet, trajnon dhe zëvendëson kolegët e tjerë në njësi sipas nevojës;
6. Mbikëqyr ngarkesën ditore të punës dhe pajtueshmërinë me politikat dhe planet e punës të Specialistëve të Arkivës;
7. Koordinon procesin e dorëzimit fizik kur stafi përgjegjës ndryshon.
Kërkesat për pozicionin:
1. Minimumi 2 vjet eksperiencë në fushen e administrimit dhe prokurimit;
2. Integritet i lartë;
3. Shumë i/e saktë dhe i/e kujdesshëm për detajet;
4. Aftësi të shkëlqyera organizative;Aftësi të shkëlqyera raportuese;
5. I/E aftë të trajtojë njëkohësisht detyra/projekte të ndryshme;
6. Aftësi të shkëlqyera të komunikimit verbal dhe me shkrim;
7. Diplomë universitare e preferueshme në Kontabilitet, Financë, Ekonomi, Administrim Biznesi ose në fusha të tjera të ngjashme;
Si të aplikoni:
Dërgoni aplikimin tuaj brenda datës 26 Prill 2024, në adresën e emailit [email protected].
Aplikimi duhet të përmbajë një CV të përditësuar dhe një letër motivimi për pozicionin përkatës.
Vetëm kandidatët e përzgjedhur do të kontaktohen nga Departamenti i Burimeve Njerëzore për një intervistë.